Denok dakigun bezala, aurtengoa eta behar bada hurrengoa ere, urte zailak izango dira lana bilatzeko.
Hori dela eta, Bizkaian zure esku dauden lanbide eta lan garapenerako aukeren berri izan nahi baduzu, proiektu berri honekin duzu aukera!
Hitzaldiak, mahai-inguruak, aurkezpen eta tailer praktikoak... egingo dira. Hau guztia azaroaren 22 eta 23an ospatuko da Euskalduna Jauregian, Bilbon.
Proiektu honen antolatzailea Bizkaiko Foru Aldundia da eta babeslea BBK. Bestalde, hartzaileak gehienbat gazteak dira, alegia, Bizkaian haien esku dauden lanbide eta lan garapenerako aukeren berri izan nahi dutenak.
Helburuei dagokienez enpresen, heziketa zentroen eta herri erakundeen topalekua izatea da, gazteen lanaren etorkizuna bideratzeko, Bizkaian dauden lan, enpresa-sorkuntza eta heziketa programa guztiak ezagutaraziz.
Honez gain, sektoreko profesionalei deialdia egitea eta enpresa-sortzailearen espiritua eta enpresa-sorkuntza xedeko publikoari ezagutaraztea eta sustatzea azpimarratuko da.
Informazio gehiagorako hemen duzu telefonoa eta helbide elektronikoa: 94 418 90 55, info@prestik.net
No hay comentarios:
Publicar un comentario